No Anto so Ibaga Nipaakar ed Saray Magasin

Say Panag-bantayan Hunyo 15

“Diad padesir yo nanengneng tayo ni kasi so pangangga na saray problema a singa saraya? [Basaen so inaon diad unonan artikulo, tan abuloyan ya onebat.] Ipapaseguro ed sikatayo na pinuyanan a Salita na Dios a saratan a problema so magano lan mangangga. [Basaen so Salmo 72:12-14.] Ipapaliwawa na sayan isyu na Say Panag-Bantayan no panon a nasumpal iya.”

Awake! Hunyo 22

“Diad padesir yo talaga kasin posibli so peteg a kawayangan parad amin diad dalin? [Abuloyan ya onebat.] Imanoen pa iyan marakdakep ya insipan na Dios. [Basaen so Roma 8:21.] Pian nagawa itan a sipan, kaukolan a mangangga so amin ya inkaaripen, agta ontan? Sayan isyu na Awake! so mangipapanengneng no panon a nagawa itan.”

Say Panag-bantayan Hulyo 1

“Minilyon a totoo so manguusar na saray imahen odino talintao diad panagdayew da, bangta minilyon nin arum so maniisip a say panggawa na ontan so lingo. Kasin naumameng yo la no anto so panmoria na Dios? [Abuloyan ya onebat. Insan basaen so Juan 4:24.] Sarayan artikulo so mangipapanengneng no panon a ginmapo so panangusar na saray talintao tan no anto so ibabaga na Biblia nipaakar ed panagdayew ed imahen.”

Awake! Hulyo 8

“Impropesiya na Biblia a magmaliw a mairap so panaon legan na saray kaunoran ya agew. [Basaen so 2 Timoteo 3:1, 3.] Diad interon mundo, say karakel na krimen so mamapaneknek ed saya. Agaylan mas mauges iray kipapasen no anggapo iray polis! Sayan isyu na Awake! so mangisisingbat ed saray angat ya aarapen na saray polis ed sankamundoan.”