No Anto so Ibaga Nipaakar ed Saray Magasin

Say Panag-bantayan Peb. 15

“Walaray totoon manduaruwa no kasin walay Dios a peteg a persona. Arum so mangibabagan wala so Dios balet ta liknaen dan sikatoy arawrawi ed sikara. Wala tay kabat yon ontan? [Abuloyan ya onebat.] Imanoen no akin ya importantin tuloy a kabaten a mismo so Dios. [Basaen so Juan 17:3.] Nipaakar ed saya, naromog yon makapainteres iray unonan artikulo na sayan isyu.”

Awake! Peb. 22

“Diad padesir yo, kasin ginetma na Dios a managmak so totoo, pati iray ugugaw na malnutrasyon? [Abuloyan ya onebat.] Imanoen pa iyan makaligliwan sipan diad Biblia. [Basaen so Salmo 72:16.] Sayan isyu na Awake! so manisingbat ed saray sengegan na malnutrasyon tan nagkalalo la ed say sipan na Dios a magano to lan panganggaen itan.”

Say Panag-bantayan Mar. 1

“Labay mi pan naamtaan so opinyon yo ed sayan makapainteres a teksto. [Basaen so Mateo 5:10.] Panon a makapanliket so too sano sikatoy napapasegsegang? [Abuloyan ya onebat.] Say unonan duaran artikulo na sayan magasin so mangisasalaysay ed pigaran totoo a nansiansian maliket anggaman apairap ira. Nayarin labay yon nabasa no anto so ginawa ra.”

Awake! Mar. 8

“Agkayo ta miabobon ya anggaman walaray problema tayo ed bilay et wala nin siansiay rason tayo pian misalsalamat? [Abuloyan ya onebat.] Sakey lan rason et say paraan na inkagawa tayo. [Basaen so Salmo 139:14.] Agaylan misalsalamat itayo lapud walaan itayo na saray sentido a nakakaukolan pian napabli so bilay, a singa iyiilustra na sayan isyu na Awake!”