No Anto so Ibaga Nipaakar ed Saray Magasin

Say Panag-bantayan Peb. 15

“Iisipen na arum a say too so manederal ed dalin. Kasin panaaburidoan mo met itan? [Abuloyan ya onebat.] Imanoen pa iyan makapaligliwan sipan. [Basaen so Apocalipsis 11:18.] Ipaparungtal na sayan magasin so impormasyon no akin a nikadkaduma iyan planeta. Ipapanengneng to met no antoy ibabaga na Biblia nipaakar ed arapen na dalin.”

Awake! Peb.

“Diad padesir yo, saya kasi so rason no akin ya ontan lay gulo ed mundo? [Basaen so 1 Juan 5:19. Insan abuloyan ya onebat.] Ipapanengneng na sayan artikulo no antoy ibabaga na Biblia nipaakar ed pakabidbiran na sayan ‘mauges’ tan no panon tayon napaliisan so mabiskeg ya impluensya to.” Insan iparungtal so artikulo ed pahina 12.

Say Panag-bantayan Mar. 1

“Liknaen na dakel a totoo ya amin kunon relihyon et ompugta ed Dios. Diad padesir yo, importante kasi no anton relihyon so pilien na sakey? [Abuloyan ya onebat.] Imanoen pa iyan ipapaseseg na Biblia. [Basaen so 1 Juan 4:1.] Ipapaliwawa na sayan magasin no panon tayon salien odino suboken iray bangat pian naamtaan no kasin manlalapu iratan ed Dios. Ipapaliwawa met na saya no panon so inggapo na nanduruman relihyon.”

Awake! Mar.

“Diad padesir yo, antoray pigaran pakapoproblemaan na saray tobonbalo natan? [Abuloyan ya onebat.] Ipapabitar na sayan bersikulo so sakey ed saratan, no panon a nawalaan na maong iran klase na kakaaro. [Basaen so Uliran 13:20.] Sisingbaten na sayan magasin no antoray kapeligroan na pananap na napikaaroan diad Internet tan no panon a naprotektaan iray tobonbalo.”