No Anto so Ibaga Nipaakar ed Saray Magasin

The Watchtower Peb. 1

“Diad padesir yo, antoy epekto ed saray pamilya no iyaplika da iyan simbawa? [Basaen so Efeso 4:31. Insan abuloyan ya onebat.] Mangiiter na pigaran praktikal a suhestion iyan artikulon manlapud Biblia nipaakar ed pangareglo ed saray agpantatalosan tan pamasiansia ed maliket a panamaley.” Iparungtal so artikulo ya onggapo ed pahina 18.

Awake! Peb.

“Sisiaen na arum a say Dios kuno et agto lilingwanan so amin a lingo a nagagawaan tayo. Saray arum balet et ibabaga ran perdonaen na Dios so amin a kasalanan, anggan panon la itan kagrabe. Antoy nikuan yo ey? [Abuloyan ya onebat. Insan basaen so Gawa 3:19.] Ipapaliwawa na sayan artikulo so taloran gawaen ya imbaga na Biblia pian kasian itayo na Dios.” Iparungtal so artikulo ya onggapo ed pahina 10.

The Watchtower Mar. 1

“Labay kon naala so opinyon yo ed sayan mabetbet a narengel a teksto. [Basaen so Juan 3:16.] Naisip yo ta la no panon a say impatey na sakey a too et sengegay andi-anggaan a pambilay na arum? [Abuloyan ya onebat.] Iiter na sayan magasin so malinew tan makapenek ya eksplinasyon nipaakar ed no panon itayon nagunggonaan ed impatey nen Jesus.”

Awake! Mar.

“Diad padesir yo amin kasin relihyon et maong? [Abuloyan ya onebat.] Imanoen no antoy ibabaga na Biblia nipaakar ed relihyon na arum. [Basaen so Marcos 7:7.] Panon a naamtaan na sakey a too no kasin say ibabangat na sakey a relihyon et katuaan tan aliwan ‘saray bilin [odino ganggan] na totoo’? Kasin nasukayan tayo no dinan ed saray papanisiaan na relihyon so tua? Eebatan na sayan magasin irayan tepet.”