No Antoy Ibaga Nipaakar ed Saray Magasin

Say Panag-bantayan Ene.-Mar.

“Kasin onabobon kayo ed nibaga dia? [Basaen so Santiago 3:2.] Mangiiter iyan artikulo na pigaran praktikal a suhestion manlapud Biblia pian ontulong ed sikatayon napaliisan so pakapansalita na ansakit ed saray kapamilyaan.” Iparungtal so artikulo ya onggapo ed pahina 10.

Awake! Ene.

“Amin a panamaley et walaan na saray problema ya aarapen. Anto so padesir yon napangalaan na saray sanasawa na napanmatalkan a simbawa? [Abuloyan ya onebat.] Imanoen iyan praktikal a panangiwanwan. [Basaen so Efeso 5:22, 25.] Ipapaliwawa na sayan artikulo no antoy kabaliksan na pampasakop na asawan bii ed asawa to.” Iparungtal so artikulo ya onggapo ed pahina 28.

The Watchtower Peb. 1

“Diad amin a problema a nasasagmak tayo natan, diad padesir yo, posible kasi so pakaromog na tuan deen na nonot? [Abuloyan ya onebat.] Akatulong ed dakel so pannonot ed ilalo ed arapen ya ibabaga na Biblia. [Mamasa na sakey a teksto ya inaon odino nisitas ed artikulon iparungtal yo.] Ipapanengneng na sayan magasin no antoy ibabaga na Biblia a nanlapuan tayo, no anto so gagala na bilay, tan no anto so akatarya ed arapen.”

Awake! Peb.

“Lapud idarakel na krimen, agmaligen so liknaan na dakel a totoo. Diad padesir yo, wala ni kasi aligwasan na saray bengatla? [Abuloyan ya onebat.] Imanoen so makapainteres a propesiya na Biblia. [Basaen so Salmo 37:10.] Sisingbaten na sayan magasin so manunan sengegan na krimen tan no antoy solusyon na Biblia ed sayan problema.”