No Antoy Ibaga Nipaakar ed Saray Magasin

Say Panag-bantayan Ene. 15

“Diad agano niran taon, pinmalalo so paninteres ed saray anghel. Naumameng yo ta la no siopa ira tan no panon dan aapektaan so kabibilay tayo? [Abuloyan ya onebat. Insan basaen so Salmo 34:7.] Sisingbaten na sayan magasin no antoy ibabaga na Biblia nipaakar ed saray kimey na saray anghel​—ed apalabas, ed kaplesan, tan ed arapen.”

Awake! Ene.

“Dakel so simbawa natan ed ngalngali amin lawarin pamaakaran. Diad opinyon yo, kaunongan ed saratan so napanmatalkan tayo? [Abuloyan ya onebat. Insan basaen so 2 Timoteo 3:16.] Ipapanengneng na sayan isyu na Awake! no akin a makapanilalo itayo ed Biblia bilang napanmatalkan a lapuan na praktikal a kakabatan.” Iparungtal so artikulo ya onggapo ed pahina 18.

Say Panag-bantayan Peb. 1

“Amin tayo so mankaukolan na kuarta ta pian manbilay. Balet agta nakaukolan so panalwar sumpad kapeligroan ya asalambit dia? [Basaen so 1 Timoteo 6:10, tan abuloyan ya onebat.] Sayan isyu na Say Panag-Bantayan so ontulong ed sikatayon nibiig so pigara ed kaslakan iran patit na inkayaman ed materyal tan sisingbaten na saya no panon a napaliisan iratan.”

Awake! Peb.

“Dakel ed sikatayo so walaan na maedad laran kakanayon tan kakaaro. Agta panuumamengan tayo no panon tayoran natulongan pian natalonaan daray kairapan ed inkatatken? [Abuloyan ya onebat.] Isusuheri na sayan magasin iray bengatlan nagawaan tayo pian mas nasarag ya arapen so itatatken. Isasalaysay met na saya no panon a nasumpal iyan propesiya.” Basaen so Job 33:25.