No Anto so Ibaga Nipaakar ed Saray Magasin

Say Panag-bantayan Ene. 15

“Lapud kaslakan lan tuloy natan iray agnatotoor a sipan, dakel so naiirapan lan manmatalek ed siopaman. Diad padesir yo, kasin wala ni so siopaman a napanmatalkan tayo iray sipan to? [Abuloyan ya onebat. Insan basaen so Josue 23:14.] Ipapanengneng na sayan magasin no panon tayon napabiskeg so panagmatalek tayo ed saray sipan na Dios a nikurit ed Biblia.”

Awake! Ene. 22

“Onia so personal a ngaran na Dios diad salitan Hebreo. [Ipanengneng so apis.] Kombinsido so arum a totoo a sayan ngaran so agnepeg a bitlaen a balot. Arum so bulos a manguusar ed satan. Sayan paway na Awake! so manguusisa ed sayan isyu. Sisingbaten met na saya no panon tayon nakabatan so ngaran na Dios.” Basaen so Salmo 83:18.

Say Panag-bantayan Peb. 1

“Panggugunaetan na maslak ed sikatayo so pangasikaso ed pisikal a bunigas tayo. Balet, insuheri na agano niran impanaral a say pankaabigan tayo so aapektaen met na espiritualidad tayo. Diad padesir yo, kasin posible itan? [Abuloyan ya onebat. Insan basaen so Mateo 5:3.] Sisingbaten na sayan isyu na Say Panag-Bantayan no panon tayon napenek so espiritual a pankaukolan tayo.”

Awake! Peb. 8

“Dakel natan so okupado ed panagbilay da tan mankaukolan ira na mas andukey a painawa. Nayarin onabobon kayo ed sarayan salita a nisulat ed masulok a 3,000 taon lay apalabas. [Basaen so Eclesiastes 4:6. Insan abuloyan ya onebat.] Ipaparungtal na sayan paway na Awake! so makatulong ya impormasyon no panon tayon nabidbir tan natalonaan so probleman kulang na ugip.”