No Anto so Ibaga Nipaakar ed Saray Magasin

Say Panag-bantayan Ene. 15

“Parad sikayo, iner so nayarin tuplegan na saray sanasawa parad napanmatalkan a simbawa? [Abuloyan ya onebat.] Imanoen yo pa no siopay angiletneg ed panangasawa. [Basaen so Genesis 2:22.] Intarya met na Dios iray bilin nipaakar ed mapagalang a betang na asawan laki tan asawan bii. Ipalinew itan na sayan magasin.”

Awake! Ene.

“Kasin naiimano yo a dakdakel natan so mangibabagan Kristiano ira balet ta agda tutumboken iray bangat nen Jesus? [Abuloyan ya onebat.] Singa bilang, dakel so ag-ontutumbok ed sarayan salita nen Jesus. [Basaen so Juan 13:35.] Impalinew na sayan artikulo so pandumaan na imbangat nen Jesus tan say panmoria na dakel a mankuan a Kristiano.” Iparungtal so artikulo a walad pahina 18.

Say Panag-bantayan Peb. 1

“Antoy nikuan yo, mas marakep kasin panayaman iyay lugar tayo no iyaaplika na balang sakey irayan salita? [Basaen so Efeso 4:25. Insan abuloyan ya onebat.] Iisipen na dakel a totoo a say panagtila et aliwan naynay a mauges. Isalaysay na sayan magasin iray nagunggona ed naynay a pansalita na tua.”

Awake! Peb.

“Diad arum a lugar, ompatnag a manguuman lay ugali na totoo nipaakar ed relihyon. Diad opinyon yo, naaandi la kasi so impluensya na saray relihyon? [Abuloyan ya onebat.] Onia so rason ya inter nen apostol Pablo no akin a saray arum a totoo et naaandian lay pananisia ed relihyon. [Basaen so Gawa 20:29, 30.] Ipabitar na sayan magasin no anto so ibabaga na Biblia nipaakar ed pansumpalan na Inkakristiano.”