No Anto so Ibaga Nipaakar ed Saray Magasin

Say Panag-bantayan Ene. 15

“Dakel a totoo so manguusar na saray imahen diad panagdayew da. Diad padesir yo, kasin saratan ya agamil so walaan na pakayarin mangisalba? [Abuloyan ya onebat.] Ipangasin imanoen no anto so gawaen na tuan Dios ed sikatayo. [Basaen so Apocalipsis 21:3, 4.] Say peteg a Dios labat so makasumpal ed satan. Ipapanengneng na sayan magasin no siopa itan a Dios tan no panon itayon nagunggonaan ed panmatalek tayo ed sikato.”

Awake! Ene. 22

“Nayarin nibabaliwala tayo a walaan itayo na ayaman. Balet minilyon a refugee ed interon mundo so pakaskasin manteteyengteyeng, ya agbalot makaromog ed kaligenan ya aanapen da. Uusisaen na Awake! no akin a wala iyan problema ontan met ed sipan na Biblia a nasabi agew et amin so nawalaan na dili ran ayaman.”

Say Panag-bantayan Peb. 1

“Wala so dakel a kapagaan nipaakar ed polusyon na kaliberliber. Balet kasin naisip yo la a walay polusyon ed nonot? [Abuloyan ya onebat.] Idadanet na Biblia so kaimportantian na pagmaliw a malinis ed laman tan espiritual. [Basaen so 2 Corinto 7:1.] Maseguro ak a naimano yon makatulong tan praktikal iyan impormasyon.”

Awake! Peb. 8

“Maseguron naimano yo la a kaslakan a panangasawa so maliket ed gapo, ingen dakel so nabubuyak. Labay kon itilak iyan paway na Awake! ed sikayo, ta sisingbaten na satan so panmoria na Biblia ed no panon a pagmaliwen a magnayon tan maliket so panangasawa.”