No Anto so Ibaga Nipaakar ed Saray Magasin

Say Panag-bantayan Peb. 15

“Dakel a totoo so nagogonigon lapud mauges iran nagagawgawa makasengeg ed relihyon. Moriaen na arum a say relihyon so sengegan na saray problema na katooan. Kasin naumameng mo la itan? [Abuloyan ya onebat. Insan basaen so Apocalipsis 18:24.] Uusisaen na sayan magasin no anto so ibabaga na Biblia ed sayan pamaakaran.”

Awake! Peb. 22

“Naliliketan so dakel a totoo ed panaaral nipaakar ed ayayep, tan labalabay na arum a komponien iratan. [Pankomentoen.] Sisingbaten na sayan magasin so pigaran angat ed pankomponi na ayep. Ipapaliwawa met na satan so sipan na Dios ya onsabi panaon et amin lan ayep so manayam a mareereen a kaiba so katooan.” Basaen so Isaias 11:6-9.

Say Panag-bantayan Mar. 1

“Diad sakey ya inkagawa, si Jesu-Kristo so tinepetan: ‘Anton ganggan so manunaan ed ganagana?’ Imanoen so inyebat to. [Basaen so Marcos 12:29, 30.] Kasin naumameng mo la no anto so labay ya ibaga nen Jesus? [Abuloyan ya onebat.] Say artikulon ‘No Panon Tayon Nipatnag so Panangaro Tayo ed Dios’ so manguusisa ed kabaliksan na sarayan bantog a balikas.”

Awake! Mar. 8

“Walay panaon a dakel a totoo so natatakot ed bakal a nuklear. Diad padesir mo, kasin posible a nagawa natan so bakal a nuklear? [Abuloyan ya onebat.] Uusisaen na sayan magasin so peles a nagagawa a kapapagaan tayon amin. Ipapaliwawa met na satan so sipan na Biblia nipaakar ed sakey a mundo ya anggapo la so katatakotan.” Basaen so Sofonias 3:13.