No Antoy Ibaga Nipaakar ed Saray Magasin

Say Panag-bantayan Peb. 15

“No maminsan, walaray nababalitaan tayo a wala kunoy agawan milagro. [Mamitla na alimbawa.] Walaray totoon manisia ed sarayan balita. Manduaruwa balet so arum. Uusisaen na sayan magasin no talaga kasin agawa iray milagron nisalaysay ed Biblia tan no kasin nagagawa ni iratan natan.” Basaen so Jeremias 32:21.

Awake! Peb. 22

“Nen inmuunan panaon, ingganggan na Dios iray anak a mangigalang ed ina tan ama ra. [Basaen so Exodo 20:12.] Diad padesir yo, kasin suston napapagalangan iray kainaan natan? [Abuloyan ya onebat.] Uusisaen na sayan magasin iray angat a kipapaarapan na kainaan ed nanduruman bansa tan no panon da iratan ya aarapen.”

Say Panag-bantayan Mar. 1

“Diad padesir yo, magmaliw kasin mas maabig a pasen iyan mundo no iyaplika na balang sakey iyan simbawa? [Basaen so Roma 12:17, 18. Insan abuloyan ya onebat.] Makapaermen ta no maminsan et nagagawa iray balingaan lapud pandurumaan na personalidad. Ipaparungtal na sayan magasin a makatulong ed sikatayo so pangiyaplika ed saray prinsipyo na Biblia pian naresolbi iray kolkolan tan pian makapikareenan.”

Awake! Mar. 8

“Tinaon ya ombabaleg so pankaukolan parad enerhiya. Diad padesir yo, anto kasi so nagawa no bilang ta onsabi panaon et naupot la so nakaukolan tayon enerhiya? [Abuloyan ya onebat.] Uusisaen na sayan magasin iray ginawan panamaaligwas pian napawala so mas malinis iran lapuan na enerhiya. Ipapakabat met na saya so Lapuan na amin ya enerhiya.” Basaen so Isaias 40:26.