No Anto so Ibaga Nipaakar ed Saray Magasin

Say Panag-Bantayan Abr. 15

“Diad agano niran taon et naimano na dakel a totoo so iyaabeba na espiritual iran kablian. Kasin naimanom met la itan? [Abuloyan ya onebat. Insan basaen so Salmo 119:105.] Saray espiritual a kablian so makatulong ed totoo pian napaliisan iray patit ed bilay. Tan ipapabitar na sayan magasin no iner so pakaromogan ed saray tuan espiritual a kablian.”

Awake! Abr. 22

“Diad sayan maples ya ikukurang na mundo, dakel so manumameng no kasin maples so itatakken na ugugaw. Kasin pampapagaan yo iya? [Abuloyan ya onebat. Insan basaen so Eclesiastes 3:1, 4.] Nepeg a say inkaugaw et aliwan panaon pian sakbaten iray responsabilidad na adulto. Sisingbaten na sayan isyu na Awake! no panon a nasalimbengan na atateng so inkaugaw na ananak da.”

Say Panag-Bantayan Mayo 1

“Walaray tepet ya agnaebatan na too. Imanoen pa iyan alimbawa. [Basaen so Job 21:7.] Kasin walaan ka met na tepet a labay mon itepet ed Dios? [Abuloyan ya onebat.] Isasalaysay na sayan magasin no panon ya aromog na totoo diad amin a parte na dalin iray makapenek ya ebat ed taloran sankaimportantian a tepet nipaakar ed bilay.”

Awake! Mayo 8

“Maslak ed sikatayo so walaay kabat a toon diabetiko. Dakel ta lay amta yo nipaakar ed sayan sakit? [Ipanengneng so apis na magasin, tan abuloyan a mankomento.] Uusisaen na sayan magasin iray sengegan tan tambal na diabetes. Sisingbaten met na saya so sipan na Biblia a permanentin iyabig la na amin a sakit.” Sampotan diad pambasa ed Isaias 33:24.