No Anto so Ibaga Nipaakar ed Saray Magasin

Say Panag-bantayan Abr. 15

“Ipapasen na arum a totoo ya amin a nagagawa ed bilay, pati saray trahedya so linawa na Dios. Naisip yo ta met la itan? [ Abuloyan ya onebat.] Dakel a totoo so mikabisado ed sayan pikakasi. [Basaen so Mateo 6:10b.] Anto so gagala na Dios ed dalin, tan kapigan so sigpot a pakasumpal na satan? Sayan magasin so mangitatarya ed ebat na Biblia.”

Awake! Abr. 22

“Diad sayan mundo, arum a totoo so naandian lay ilalo. Ontan met kasi so liknaan yo no maminsan? [Abuloyan ya onebat. Insan basaen so Roma 15:4.] Bibidbiren na maslak a totoo so kakanaan na pakawalaay ilalo. Seguradon panliketan yo so pangusisa ed pitoran Makasulatan a rason parad panilalo a niparungtal ed sayan isyu na Awake!”

Say Panag-bantayan Mayo 1

“Lapud pansasagpot a napaaligwas so kipapasen na totoo, pigaran relihyoson lider so akibabali ed politika. Balet, imanoen pa so ginawa nen Jesus sanen sikatoy kaliktan na totoo a pagmaliwen ya ari. [Basaen so Juan 6:15.] Akasentro’y nonot nen Jesus ed bengatlan mangitarok na magnayon a pankaabigan na arum. Sisingbaten na sayan magasin no anto itan.”

Awake! Mayo 8

“Dakel a totoo so makasasagmak na subok diad trabaho. Saray arum ni ingen et sisigensigenen (harassment) na saray katrabahoan da. Amta yo ta’n lugan na Biblia iray simbawa a makatulong ed sikatayo pian natalonaan iray ontan a subok? [Abuloyan ya onebat. Insan basaen so Uliran 15:1.] Sayan magasin so mangiyoopresi na praktikal iran suhestion no panon a napansiansia so pikakareenan ed arum diad trabaho.”