No Antoy Ibaga Nipaakar ed Saray Magasin

Say Panag-Bantayan Mayo 15

“Inagew-agew itayon makakarengel na saray balita a karawalan. Diad padesir yo, kasin nagagawa la iratan nensaman? [Abuloyan ya onebat.] Imanoen so ibabaga na Biblia. [Basaen so Mateo 24:37.] Mauges a tuloy so panaon nen Noe kanian niyanep na Dios so amin likud ed si Noe tan say pamilya to. Ipapanengneng na sayan magasin no panon a saraman ya agawgawa et walaan na kabaliksan ed sikatayo natan.”

Awake! Mayo 22

“Natan, say sakit a tarok na insekto so sakey ed dakel a mamepeligro ed bunigas tayo. Kasin amta yo a walaray nagawaan tayo pian naprotektaan tayoy inkasikatayo? [Abuloyan ya onebat.] Sisingbaten na sayan magasin iratan a nagawaan tayo, ontan met ed sipan na Biblia nipaakar ed panaon sano anggapo lay mansakit.” Sampotan diad pangibasa ed Isaias 33:24.

Say Panag-Bantayan Hunyo 1

“Saray report nipaakar ed aliwan dugan panangipakurang ed saray indonasyon a pundo et sengeg na panuumameng na arum no kasin makabat so pangiter na abuloy. Ingen, dakerakel a totoo so mankaukolan. Antoy padesir yon nagawaan? [Abuloyan ya onebat. Insan basaen so Hebreos 13:16.] Ipapaliwawa na sayan magasin so klase na panangiter a makapaliket ed Dios.”

Awake! Hunyo 8

“Ompatnag a saray totoo natan so agmamapabli ed saray moral tan maong a walna a singa ed panamabli ra ed apalabas iran taon. Kasin naiimano yon ontan so nagagawa natan? [Abuloyan ya onebat.] Makapainteres, impasakbay iya na Biblia. [Basaen so 2 Timoteo 3:1-5.] Sisingbaten na sayan paway na Awake! no akin a manguuman iray kablian na too tan antoy akatarya ed arapen.”