No Anto so Ibaga Nipaakar ed Saray Magasin

Say Panag-Bantayan Hul. 15

“Dakel so makakaimano ed ompapalalon tendensia na totoo a mangisian ed inkasikara. Diad padesir yo, kasin makabat iyan kurang? [Abuloyan ya onebat.] Imanoen pa iyan makabat a diparan nipaakar ed kablian na panuulop. [Basaen so Eclesiastes 4:9, 10.] Sisingbaten na sayan magasin no akin a nakaukolan tayon amin so arum a totoo tan no panon a naresolbi so problema ed pambukbukor.”

Awake! Hul. 22

“Pampapagaan na dakel a totoo so ikakayat na pornograpiya. Diad padesir yo, kasin saya so nepeg a pampagaan? [Abuloyan ya onebat.] Say praktikal a simbawan naromog ed Biblia so nayarin manalimbeng ed sikatayo. [Basaen so Efeso 5:3, 4.] Ipapanengneng na sayan magasin no panon tayon protektaan so inkasikatayo manlapud sayan agnaliklikas a peligro.”

Say Panag-Bantayan Ago. 1

“Amta yo ta ya unong ed sakey a report et masulok a kapaldua na populasyon na mundo so manbibilay ed kulang a $2 kada agew? Diad padesir yo, kasin wala ni so nagawaan pian naresolbi iya? [Abuloyan ya onebat.] Ipapabitar na sayan isyu na Say Panag-Bantayan so permanentin solusyon ed kairapay-bilay unong a nidatak ed Biblia.”​—Basaen so Salmo 72:12, 13, 16.

Awake! Ago. 8

“Diad agano niran taon, saray desyang a nisiglaot ed klima so pansesengegan na baleg a deral ed interon mundo. Diad padesir yo, antoy nayarin gawaen pian napakepa so paniirap a resulta na satan? [Abuloyan ya onebat.] Sayan magasin so manguusisa ed problema ed pansasalatsalat na klima ontan met ed solusyon a nidatak diad Biblia.”​—Basaen so Isaias 35:1.