No Anto so Ibaga Nipaakar ed Saray Magasin

Say Panag-Bantayan Hul. 15

“No walay inreport ya agawa a singa onia [say ilustrasyon ed apis] ed balita natan, maslak a totoo so nayarin agmakapanisia. Antoy padesir yo? [Abuloyan ya onebat. Insan basaen so Marcos 4:39.] Antoy ebidensya a tuan agawa iray milagron ginawa nen Jesus? Sayan isyu na Say Panag-Bantayan so manguusisa ed satan a tepet.”

Awake! Hul. 22

“Diad mundo natan et saray kriminal so ag-ontutundan maniisip na balo iran pakana pian palikdoen so agmalikas a totoo. Kasin kapapagaan yo iya? [Abuloyan ya onebat.] Sisingbaten na sayan isyu na Awake! so pigaran panag-alwar a makatulong pian nasalimbengan so inkasikatayo ed panamalikdo.” Basaen so Uliran 22:3.

Say Panag-Bantayan Ago. 1

“Lapud agpankakasakey na katooan, ipasen na arum a say mogmon paraan pian nadampot so kareenan ed mundo et diad panamegley na sankamundoan a gobierno. Diad padesir yo posible kasi iya? [Abuloyan ya onebat. Insan basaen so Daniel 2:44.] Sisingbaten na sayan magasin no anto la so gagawaen na Panarian na Dios natan tan no panon itan a magano lan mangitarok na kareenan ed mundo.”

Awake! Ago. 8

Amin tayo so naeermenan sano nababalitaan tayo so nipaakar ed panag-anamot ed saray ugugaw. Anganko et inumameng yo lan, ‘Kasin peteg a mangiyaansakit so Dios?’ [Abuloyan ya onebat. Insan basaen so Salmo 72:12-14.] Sisingbaten na sayan artikulo no anto so liknaan na Dios nipaakar ed saray ugugaw tan no panon a magano to lan itarok so permanentin pakainawaan ed amin a namamaltrato.”