Watchtower ONLINE YA LIBRARYA
Watchtower
ONLINE YA LIBRARYA
Pangasinan
  • BIBLIA
  • PUBLIKASYON
  • ARAL
  • km 12/03 p. 6
  • Balon Programa ed Espisyal ya Agew ya Asamblea

Anggapoy available ya video ed pinilim.

Pasensya la, walay error na video.

  • Balon Programa ed Espisyal ya Agew ya Asamblea
  • Ministeryo Tayo ed Panarian—2003
  • Miparan Topic
  • Pansiansiaey Sigpot-puson Panaglingkor ed si Jehova
    Say Panag-bantayan Mangipapalapag na Panarian nen Jehova—2012
  • Balon Programa ed Agew na Espisyal ya Asamblea
    Ministeryo Tayo ed Panarian—2005
  • Igloria so Dios, Aliwan say Too
    Say Panag-bantayan Mangipapalapag na Panarian nen Jehova—2004
  • Balon Programa ed Espisyal ya Agew ya Asamblea
    Ministeryo Tayo ed Panarian—2000
Mannengneng ni
Ministeryo Tayo ed Panarian—2003
km 12/03 p. 6

Balon Programa ed Espisyal ya Agew ya Asamblea

Dakdakel natan so impormasyon nipaakar ed pamasiansia ed literal a puso tayo a mabunigas ta pian nawalaan itayo na mas maliket tan andukey a bilay. Ingen, nagkalalon importante so kipapasen na piguratibon puso tayo. Agaylan matukoy sirin so tema ed programa na espisyal ya agew ya asamblea tayo ya onggapo no Pebrero 2004: ‘Manlingkor ed si Jehova Tekep na Interon Puso.’ (1 Awa. 28:9, NW) Anto so nailaloan tayo a naaralan?

Say manangasikaso na sirkito so maningbat ed “Tulongan so Arum a Manlingkor ed si Jehova Tekep na Malikeliket a Kamarerwa.” Saray interbio so mangipabitar ed gayaga a resulta na panamayubo ed interes tan saray panangiyaral ed Biblia. Amin ya onatendi so seguradon naligliwa tan napaseseg ed primeron paliwawa na ombibisitan espiker ya, “Alwaran so Kapusoan Tayo Diad Magulon Mundo.” Manampot so sesyon ed kabuasan panamegley na paliwawa ed bautismo.

Diad ngarem, say partin “Pananulong ed Arum” so mangonsidera ed no panon tayon natulongan so arum. Anto so nagawaan na atateng pian naprotektaan so kapusoan na ananak da manlapud mauges iran impluensya tan natulongan iran onapit ed si Jehova? Say partin “Tulongan so Ananak Yo a Manggayaga ed si Jehova” so mangitarya na praktikal iran suhestion tan mangidemostra no panon iyan nagawaan.

Kasin aanamoten tayo so kada probisyon nen Jehova pian mansiansian mabunigas tan mabiskeg so piguratibon puso tayo? Say unor a paliwawa na ombibisitan espiker a “Pansiansiaen so Interon Puso a Panaglingkor ed si Jehova,” so mangiyapasakey ed apatiran makanan aspekto na rotina tayo a mamasiansia ed espiritualidad tayo. Kaunongan karakel so oras tan sagpot ya itatalaga tayo ed masimoon a panagpikasi, panagaral ed Salitay Dios, maseseg a panagpulong, tan pililimog ed arum a Kristiano? Kasin onaligwas itayo ni ed dinanman ed sarayan aspekto?

Si Jehova so mangiimbita: “Ipakep mo so pusom ed panangibangat ko, tan saray layag mo ed saray salita na pikakabat.” (Uli. 23:12) Manplano la natan ya onatendi ed sayan makagunggonan agew na panamilin a manlalapud Kasulatan. Say panggawa ed satan so mamabiskeg ed sika a mantultuloy a manlingkor ed si Jehova tekep na interon puso.

    Publikasyon a Pangasinan (1988-2025)
    Man-Log Out
    Man-Log In
    • Pangasinan
    • Share
    • Setting Mo
    • Copyright © 2025 Watch Tower Bible and Tract Society of Pennsylvania
    • Kondisyon ed Pangusar
    • Totontonen ed Privacy
    • Privacy Settings
    • JW.ORG
    • Man-Log In
    Share