Saray Probisyon ya Ontulong ed Sikatayon Ompaliis ed Dala

Saray bautismadon manangipalapag ya akapansulat la na Advance Medical Directive/Release card odino Identity Card ed 2003 so agla kaukolan a mansulat na balo diad sayan taon. Parad Service Meeting ed simba na Disyembre 29, say sekretaryo so nepeg a mangitarya na magenap a kopya na saray kard parad saray balon abautismoan a manangipalapag, parad ananak da, tan saramay nakaukolan a mansalat. Saray kongregasyon so agla pawitan na sarayan kard. No agmagenap so suplay a kard ed kongregasyon, nayarin miapag so sekretaryo ed arum a kongregasyon odino man-order na magenap a kard diad ontumbok ya order na kongregasyon parad literatura.

Nepeg a suston sulatan iray kard diad abung balet AGNI pirmaan. Diad ontumbok a Panagaral na Kongregasyon ed Libro, saray kard so kaukolan a pirmaan, tasian, tan petsaan, diad tulong na manangasikaso na panagaral ed libro no nakaukolan. Nepeg a saramay manpirma bilang tasi so aktual a makanengneng ed panpirma na makankayarian ed kard.

Saray agbautismadon manangipalapag so nayarin mansulat na saray direktiba a parad inkasikara tan parad ananak da diad pangopya ed saray balikas ed Advance Medical Directive/Release card tan Identity Card.