Balon Probisyon ya Ontulong ed Sikatayon Ipulisay so Dala
Inabobonan na Mananguley ya Ulop so balon dokumento ya apauloan na Durable Power of Attorney for Health Care (DPA) a kasalat na datin Advance Medical Directive/Release card.
Kaukolan yon sulatan tan pirmaan so DPA card yo, a satan so agmanpaso tan onkana bilang deklarasyon ed saray kaliktan yo anggan sano onla kayo ed sananey a bansa. Diad arapen, nepeg yon salatan na balo so datin DPA card yo no (1) walaray kaukolan yon umanen ed DPA card yo, a singa say pansalat ed saray kaliktan yo, saray manangilaman ed panagpatambal yo, address, tan saray numero na telepono, odino (2) say DPA card yo et abalang odino napipilat la.
Nepeg a manpikasi kayo sano konsideraen so DPA card tan alwaran a sulatan diad abung. Balet, antis a pirmaan so card, seguroen a presente so duaran pinili yon tasi sano pirmaan itan. Saray manangasikaso na panagaral na libro so panapanaon a mangimano ed saramay agni nansulat na balo iran card pian naseguro no nakaukolan da so tulong.
Antis a tupien so DPA card, manpa-xerox na malinis iran kopya ya iter ed manangilaman yo ed panagpatambal, komaduan manangilaman yo ed panagpatambal, tan doktor yo ontan met ed kopya yon dili ya iyatol yo. Nayarin labay yo met ya ikdan na kopya so arum a membro na pamilya yo tan say sekretaryo na kongregasyon yo. Nepeg a saray kopya et aliwan biek-ta-biek tan say kabaleg na usaren a kupon et ordinaryo labat (8 1/2” x 11”), ya akasentro ed pahina so DPA card. Nepeg ya awit yon naynay so orihinal a DPA card, aliwan samay xerox.
Agnauman so Identity Card a parad aliwan bautismado iran ananak na saray Tasin atateng. Nepeg a seguroen na saray atateng a say card parad kada menor de edad ya anak da et suston asulatan tan apirmaan tan awiten na anak itan ed matukoy iran panaon.
Saray aliwan bautismadon manangipalapag so nayarin mangalig ed inkisulat na DPA card tan Identity Card ta pian makapanggawa ira na dili ran instruksion parad panagpatambal da tan parad ananak da. Nepeg a say sekretaryo so mangiter na DPA card ed kada balon nabautismoan iran manangipalapag.