Pangiyopresi ed Manaral Manlapud Sankamaongan a Managbangat

◼ “Diad padesir yo, magmaliw kasin mas maabig a pasen so mundo no talinengen na totoo iyan diparan? [Basaen so Mateo 7:12a. Insan abuloyan ya onebat.] Lugan na sayan libro so dakel a leksion manlapud sankamaongan a managbangat a nambilay ed kapiganman.” Ipabitar iray litrato tan kapsion ed kapitulo 17.

◼ “Maslak ya atateng natan so manasalin mangipaslep ed ananak da na saray maabig ya ugali. Diad padesir yo, importante kasi iya? [Abuloyan ya onebat. Insan basaen so Uliran 22:6.] Imanoen a saray atateng so papasesegen a mangipasal ed ananak da legan ya ugugaw ni ra. Sayan libro so adesinyo ya ontulong ed sikara ed panggawa ed satan.” Ipabitar iray litrato tan kapsion ed kapitulo 15, 18, odino 32.

◼ “Mabetbet a nikekelawan iray atateng ed tepetepet na ananak da. Arum ed saratan a tepetepet so mairap ya ebatan, agta ontan? [Abuloyan ya onebat. Insan basaen so 2 Timoteo 3:14, 15.] Say ina tan bai nen Timoteo so angibangat ed sikato na Kasulatan manlapud inkaugaw to. Sayan libro so ontulong ed atateng pian nagawaan da met itan ed ananak da natan.” Ipabitar so pigaran litrato tan kapsion ed kapitulo 11 tan 12 odino 34 tan 36.