Tepet

◼ Panon so nepeg a panangala na personal iran kopya na Say Panag-Bantayan tan Awake!?

Lapud intunda la so uksoyan a subskripsion na Say Panag-Bantayan tan Awake! ed amin a lenguahe, nepeg a mangala so amin a manangipalapag na saray magasin da panamegley na lokal a kongregasyon. Saray kongregasyon so nayarin manpedido na saray magasin diad porma a Congregation Requests (M-202). Saray sankailin-lenguahe tan angkabaleg-letran edisyon so nepeg a pedidoen met ya usaren iyan porma.

No wala ed teritorya yo so malabay a regular ya ituloran na magasin, ipangasin seguroen ya asikasoen iya a tampol ta pian anggapoy nasaew ya anggan sakey ya isyu. Saray totoon adispelosip so nayarin mangala na saray usaren dan magasin odino arum nin literatura diad counter na saray literatura ed Kingdom Hall. Nepeg ya agkabiangan iray adispelosip ed saray personal a rota na magasin.

Saray subskripsion lambengat a pansiansiaen na sangan opisina diad Pilipinas et saramay agnasasabi na saray manangipalapag ed kongregasyon panamegley na rota na magasin. No mangipawit so Congregation Service Committee na kerew a subskripsion parad toon agmakala na magasin noag diad panamegley na subskripsion, nepeg ya ilaktip na sekretaryo so antikey a sulat a mamapaneknek a sayan kerew a subskripsion et inusisan maong tan inaprobaan na Congregation Service Committee.

Kabaliksan na saya a saray manangipalapag so agnepeg a mansulat ed sangan opisina pian onkerew na personal iran subskripsion. Say ontan iran kerew parad subskripsion na saray manangipalapag odino interesadon totoo so ipawil ed kongregasyon.

◼ Panon a makala na personal iran kopya na saray magasin so sakey a priso?

No say kongregasyon ya akan-teritorya ed prisoan so makapansuplay na saray magasin ed totoon apriso ditan, say priso so makapangala na personal iran kopya to na Say Panag-Bantayan tan Awake! iran magasin ed saray ondadalaw a manangipalapag. No aliwa iyan posible, nayarin personal ya onkerew so priso na saray subskripsion diad pansulat ed sangan opisina. Ipangasin imanoen a saray adispelosip a priso so nayarin mangala met na saray personal a kopya na magasin unong ed nidatak ed sayan parapo.