No Antoy Ibaga Nipaakar ed Saray Magasin

Say Panag-Bantayan Abr. 15

“Amin lawari so onabobon a say sakey a sekreto ed maliket a bilay na pamilya et say maabig a komunikasyon, ingen dakel a totoo so naiirapan a mitalosan. Diad padesir yo, akin kasi? [Abuloyan ya onebat.] Iyoopresi na sayan magasin iray suhestion ed pamaaligwas ed dunong ed komunikasyon.” Basaen so Santiago 1:19.

Awake! Apr.

“Dakel a totoo so mangibabagan say krus et ontutulong ed sikaran napaapit ed Dios. Balet, panumamengan na arum: Kasin manepeg so pamagalang ed instrumenton inusar ed impamatey ed si Jesus? Kasin talagan inatey si Jesus ed krus? Say artikulo ed pahina 12 so manguusisa ed sarayan tepet manlapud punto de bista na Biblia.” Basaen so Gawa 5:30.

Say Panag-Bantayan Mayo 1

“Minilyon a totoo ed sankamundoan so manasagmak na makapaot-ot iran epekto na kairapay bilay. Antoy isipen yon nagawaan pian tulongan ira? [Abuloyan ya onebat. Insan basaen so 1 Pedro 2:21.] Uusisaen na sayan magasin no panon tayon tumboken so ehemplo nen Jesus diad pangiyansakit ed saray pobri.”

Awake! Mayo

“Kasin naumameng yo la no akin ya ontakken itayo? [Abuloyan ya onebat.] Say eksplinasyon na Biblia ed no akin ya ontakken itayo so mangipapanengneng no panon a ginawa na Dios a posible so pakapanggayaga tayo ed andi-anggaan a bilay. [Basaen so Isaias 25:8.] Uusisaen na sayan isyu na Awake! iray pigaran peles ya ideya nipaakar ed proseso na itatakken.”