No Panon ya Usaren so Please Follow Up (S-43) Form

Nepeg ya usaren iyan form no makaromog kay interesado ya agmanaayam ed teritorya yo odino mansasalitay sananey a lenguahe. Nensaman, uusaren tayo iya sano walay nakakatongtong tayon sananey so lenguahe to, interesado man o andi. Natan, uusaren tayo labat iya no interesado ira. Balet no say naromog tayo et telek, interesado man o andi, kaukolan ya sulatan tayo so S-43 form.

Antoy gawaen tayo kayarin asulatan iyan form? Kaukolan ya iter tayo iya ed sekretaryo na kongregasyon. No amta to no dinan a kongregasyon so akan-teritorya, direkta to lan ipawit iya ed saray elder na satan a kongregasyon pian natulongan so interesado. Balet no agto amta so kongregasyon, ipawit to iya ed sangan opisina.

No say interesado a mansasalita na sananey a lenguahe et manaayam ed teritorya yo, nayarin itultuloy mon pawilen pian nabayuboan so interes to, anggad agni abisita na agin manlapud kongregasyon ya manguusar ed lenguahe to.​—Nengnengen so Nobyembre 2009 ya Ministeryo Tayo ed Panarian, pahina 4.