Kaukolan so Ikiwas a Tampol

Manlapu la nen impaway so balon desinyo na Web site tayo, biglan dinmakel so manre-request ditan na panagaral na Biblia. Naaruman met iray request lapud saray balon paraan na panagtasi ed publiko. Anggad posible et tampol ya iikday imano iya na branch office. Singa bilang, no walay nan-request diad jw.org, kaslakan a saray elder ya akanteritorya ed lugar na toon interesado et makaawat na impormasyon manlapud branch office kayari duaran agew. Balet ipapanengneng na saray report ya linmabas lay pigaran simba, arum ed saramay nan-request na panag-aral na Biblia et agni abisita. Panon tayon naseguro ya natulongan ira antis nin nabalang so interes da?​—Mar. 4:14, 15.

No walay interesado ya agmanaayam ed teritorya yo, tampol ya isulat ed Please Follow Up (S-43) form tan iter itan ed sekretaryo diad onsublay ya aral yo. Diad loob na sakey odino duaran agew, nepeg ya iter na sekretaryo so impormasyon diad manepeg a kongregasyon odino diad branch office panamegley na Congregation tab diad jw.org. Nepeg a regular ya i-check na saray elder so Web site. No akaawat iray impormasyon nipaakar ed toon kaukolan ya bisitaen, nepeg a tampol iran onkiwas. Siopaman a manangipalapag ya imbakin ombisita et nepeg ton iprayuridad iya. No anggapod abung so interesado, ompan sarag moy mangitilak na mensahe tan pakakontakan ed sika.