“Iyopresi so Daan a Magasin o Anggan Dinan ya Brosyur a Mangalay Interes na Too”

Legan na saray bulan ya iyoopresi tayo so libron Ibabangat na Biblia tan panangiyaral diad unonan pitongtong, papasesegen itayo a sano wala lay onian libro na unabung tan agto labay so paiyaralan, “iyopresi so daan a magasin o anggan dinan ya brosyur a mangalay interes na too.” Akin?

Nanduruma tan nipanpanaon iray tema diad saray brosyur tan daan a magasin tayo. Nayarin nagustoan na unabung so sakey ed saratan. Kanian, mangikarga kayo met ed bag yo na nanduruman brosyur tan daan iran magasin. No anggapoy daan a magasin yo, sarag yoy mangala ed kongregasyon. Diad ontan, sano say unabung et wala lay libro ton Ibabangat na Biblia tan agto labay so paiyaralan, nayari yon ipanengneng so pigaran magasin o brosyur tan pampilien no dinan so labay ton basaen. Kayari na satan, iyeskedyul so ipawil pian nabayuboan so interes to. Ompan agmanbayag et manresulta itan ed sakey a panangiyaral na Biblia.