Usaren Iray Daan a Magasin

Agnapinabangan iray daan a magasin no isinop o ibantak iratan, kanian kaukolan tayon iyopresi. Say sakey ya magasin et nayarin managyat ed interes na too ed katuaan tan mamakiwas ed sikaton ontawag ed ngaran nen Jehova. (Roma 10:13, 14) Nia ray pigaran suhestion pian nausar tayo ray daan a magasin.

• No manpupulong ed saray teritoryan matalag ya nakimeyan, nayarin mangitilak tayoy magasin ed saramay anggapod abung, diad pasen ya agsankanengneng na saray ondadalan.

• No manpupulong ed publiko diad lugar a saray totoo et manaalagar, singa diad terminal, tepetan ira no labay day nawalaan na babasaen, ipanengneng iray daan a magasin, tan pampilien ira.

• No onlad saray opisina, beauty parlor, clinic, odino arum nin miparan lugar diad teritorya yo, mangitilak na pigaran daan a magasin ed waiting area. Marakep no manpatanir nid toon mangaasikaso antis ya mangitilak. No wala la ray magasin ya wadman, agni mangititilak.

• Antis ya man-RV, nonoten no anto ray paninteresan na pawilen mo. Kasin walay pamilya to? Mapasyar? Mahilig ed saray tanaman? Mannengneng ed saray daan a magasin no walay artikulon nayarin nagustoan to, tan ipanengneng itan ed sikato.

• No nasabian mod abung so interesado ya aminpigam lan papawilen, ipanengneng iray daan a magasin ya anggapo nid sikato.