Komusta Iratan?

Maabig itan a tepet nipaakar ed saray literatura ya plano tayon iyopresi. No atupi-tupi, akeskes, kinmupas, marutak, odino apilat iratan, magmaliw a makapuy so impresyon na unabung ed organisasyon tayo. Ompan agto laingen naimano so marakep tan manangisalbay bilay a mensahen walad saray literatura tayo.

Panon tayon napansiansian malinis tan marakep iray literatura tayo? Say gagawaen na dakel et aayosen day bag da tan paniibaen da ray nampaparan literatura. Alimbawa, walay pananginan da a biig iray libro, magasin tan brosyur, tracts, tan arum ni ra. Kapagno ipawil da lay Biblia tan antokaman a literatura diad bag da, maalwar ira pian ag-iratan naderal. Saray arum a manangipalapag et ikakarga da ray literatura da diad folder odino plastic envelop. Antokaman so paraan ya usaren tayo, agtayo labay a nabalaw so ministeryo tayo diad pangiyopresi ed sikara na aderal a literatura.​—2 Cor. 6:3.