Pangaligan Iran Presentasyon

Pangigapoy Panangiyaral na Biblia ed Unonan Sabado na Marso

“Dakel a totoo so manseselebra na inkianak nen Jesus, balet parad sikayo importante kasin nodnonoten so impatey nen Jesus?” Abuloyan ya onebat. Insan iderew ed householder so Marso 1 ya Watchtower, tan pantongtongan so unonan tepet tan ebat ed pahina 16 tan anggan sakey ya teksto. Iyeskedyul so ipawil pian konsideraen so ebat ed ontumbok ya tepet.

The Watchtower Marso 1

“Dakdakel iray relihyon ya nandurumay pananisia tan tradisyon da. Parad sikayo amin kasin mangibabagan Kristiano et talagan Kristiano? [Abuloyan ya onebat.] Walay imbaga nen Jesus ya pakabidbiran na saray tuan Kristiano. [Basaen so Juan 13:34, 35.] Ipaliwawa na sayan magasin iray limaran imbaga nen Jesus ya ontulong ed sikatayon nibiig iray tuan patumbok to.”

Awake! Marso

“Mitotongtong kamid saray totoo nipaakar ed sakey ya makapaaburidon nagagawa. Mas mapaspasnok iray totoo natan tan mipepetang so ulo da. Antoy iisipen yon sengegan ey? [Abuloyan ya onebat.] Imano yo pay ibabaga na Biblia nipaakar ed sanok. [Basaen so Salmo 37:8.] Nabasad sayan magasin iray arum a rason no akin ya mas mapaspasnok iray totoo natan, tan no panon ya kontrolen so sanok.”