Say Official Web Site Tayo—Usaren ed Ministeryo Yo
Pasesegen Iray Totoo ya Lukasay Web Site Tayo: Wala ray manaalangan ya mitongtong odino mangawat na literatura tayo a nayarin manlukas na jw.org pian amtaey nipaakar ed Saray Tasi nen Jehova. Kanian ipakabat so Web site tayo kada walay pankanawnawa.
Ebatan Iray Tepet: No maminsan, nayarin mantepet so sakey ya householder, interesado, odino kabat yo nipaakar ed Saray Tasi nen Jehova odino saray papanisiaan tayo. Ipanengneng yon tampol so ebat panamegley na cell phone o kompyuter. Ingen, mas maabig nin siansia no ibasa yo iray nisitan teksto diad mismon Biblia. No agkayo aka-Internet, ipaliwawa no panon so pangusar ed jw.org pian naanap so ebat.—Lukasan so “Bible Teachings/Bible Questions Answered” odino “About Us/Frequently Asked Questions.”
Mangipawit na Artikulo odino Publikasyon ed Saray Kabat Yo: Mangi-attach ed e-mail na in-download yon PDF odino EPUB. Odino man-download na audio rekording na publikasyon diad CD. No walay agbautismadon naikdan yoy kompleton elektronikon libro, brosyur, odino magasin, sarag yon ireport itan. Kaukolan yon ipaamta ya sikayoy angipawit tan aliwan sandarakel. Agmet iya nepeg ya i-upload ed arum ya Internet Web site.—Lukasan so “Publications.”
Ipanengneng so Sankabaloan ya Balita Nipaakar ed Saray Tasi nen Jehova: Makatulong iyad saray iyaaralan na Biblia tan arum ya nakakatongtong yo pian naapresya day kimey tayod interon mundo tan say pankakasakey tayo bilang Kristiano. (Sal. 133:1)—Lukasan so “News.”
[Diagram ed pahina 5]
(Parad aktual a format, nengnengen so publikasyon)
Salien Iya
1 Diad “Publications,” anapen so labay yon i-download, tan pindoten no text odino audio so format ya labay yo.
2 Pindoten so MP3 pian ompaway so listaan na saray artikulo. Pindoten so tema na artikulo pian ni-download itan odino say ▸ pian narengel itan online.
3 Manpili na sananey a lenguahe ed sayan listaan no labay yoy man-download na publikasyon ed satan a lenguahe.