Pangaligan Iran Presentasyon

Pangigapoy Panangiyaral na Biblia ed Unonan Sabado na Setyembre

“Amin lawarin totoo et manpipikasi. Anggan saray agmanisiad Dios et manpipikasi sano naproproblema. Parad sika, dedengelen kasi na Dios so amin a pikakasi?” [Abuloyan ya onebat.] Ipanengneng so pahina 15 na Setyembre-Oktubre ya Panag-bantayan tan pantongtongan so unonan tepet tan anggan sakey a teksto. Iyopresi iray magasin tan iyuksoy so ipawil pian pantongtongan so onsublay ya tepet.

Say Panag-Bantayan Setyembre-Oktubre

“Dakdakel la natan iray imoral a babantayan. Balet parad arum, aliwan mauges so pornograpiya. Parad sika ey? [Abuloyan ya onebat.] Imbaga nen Jesus ya naamtaan tayo no kasin makapuy itan diad saray epekto na satan. [Basaen so Mateo 7:17.] Nabasa ed sayan magasin no antoy epekto na pornograpiya. Mangiter met iya na praktikal iran tip no panon a napaliisan so pornograpiya.”

Onliing! Setyembre

“Linma kami dia pian mangiter na impormasyon nipaakar ed kabkabat ya holiday ya magano lan selebraan na totoo​—say Halloween. Wala ray agmanseselebrad satan ta oniay pasakbay na Biblia. [Basaen so Levitico 19:31.] Say arum et agmanisiad saray makapanyarin espiritu tan parad sikara et aliwan mauges so Halloween. Antoy nibagam ed sayan holiday ey? [Abuloyan ya onebat.] Naamtaan ed sayan magasin so mauges ya nanlapuan na Halloween.”