Pangaligan Iran Presentasyon

Pian Makapangigapoy Panangiyaral na Biblia ed Unonan Sabado na Setyembre

“Dakel so manisian onsabi so agew ya ukomen ira na Dios unong ed saray ginawa ra. Parad sika, kasin say Agew na Panangukom et taltalaranan odino nepeg a takotan? [Abuloyan ya onebat.] Imanom pay ibabaga na saya.” Iderew ed householder so Setyembre 1 ya Watchtower, tan pantongtongan so unonan tepet tan ebat ed pahina 16 tan anggan sakey ya teksto. Iyopresi iray magasin tan iyeskedyul so ipawil pian pantongtongan so ontumbok ya tepet.

The Watchtower Setyembre 1

“Diad dakel a bansa, saray bibii et makakaeksperiensyay panaglabi tan panagmaltrato. Makapaermen ta sakey ed saray sengegan na saya et saray relihyoson pananisia. Parad sika, talaga kasin papablien na Dios iray bibii? [Abuloyan ya onebat.] Imanoen pay ibabangat na Biblia ed saray asawan lalaki no panon dan tratoen iray kaasawaan da. [Basaen so Efeso 5:28, 29.] Ipapanengneng na sayan magasin no antoy ibabaga na Biblia nipaakar ed panmoria na Dios ed saray bibii.”

Awake! Setyembre

“Ibabaga na dakel ya onsabi so agew ya mangangga so bilay diad dalin, nayarin lapud nuclear war o natural iran sengegan, a singa say ibangga na asteroid odino say climate change ed interon mundo. Panisiaan mo kasi ray ibabaga da nipaakar ed panangukom, odino imahinasyon labat iratan? [Abuloyan ya onebat.] Oniay makapaligliwan isisipan na Biblia. [Basaen so Salmo 37:29.] Uusisaen na sayan magasin iray kaslakan ya ibabagay totoo no antoy nagawad panangukom, ontan met ed makatunongan ya paliwawa na Biblia no antoy nagawad arapen.”