Pangaligan Iran Presentasyon

Pangigapoy Panangiyaral na Biblia ed Unonan Sabado na Setyembre

“Inagew-agew a manpipikasi iray totoo, antokaman so nasyonalidad tan relihyon da. Parad sikayo, dedengelen kasi tan eebatan na Dios so amin a pikakasi?” Abuloyan ya onebat. Iderew so sakey a kopya na Setyembre 1 a Watchtower, insan pantongtongan so unonan tepet tan ebat ed pahina 16 tan basaen so anggan sakey a nisitas ya teksto. Iyopresi iray magasin tan iyeskedyul so ipawil pian konsideraen so ebat ed ontumbok ya tepet.

The Watchtower Setyembre 1

Ipanengneng so apis na magasin, insan ibaga: “Antoy ebat yo ed sayan tepet? [Abuloyan ya onebat.] Imanoen no antoy ibabaga na Biblia. [Basaen so 1 Juan 5:19.] Unong ed saya, say manuuley ed mundo et “samay sakey a mauges” odino Diablo. Balet nayarin nitepet tayo, Iner so nanlapuan na Diablo? Talaga kasin walay Diablo? Anggad kapigan iyabuloy na Dios so panuley to? Nabasa ed sayan magasin so ibabaga na Biblia.”

Awake! Setyembre

“Dakel natan so nai-stress lapud problemad kuarta. Parad sikayo, akin kasi et mair-irap ya pasustoey sweldo? [Abuloyan ya onebat.] Walaray makabat a simbawa ed Biblia ya akatulong ed dakel pian ni-badyet so kuarta ra. [Basaen so sakey ed saray tekston walad pahina 8-9.] Nabasa ed sayan magasin iray praktikal a suhestion parad saray naiirapan lapud utang.”