Paaligwasen Iray Abilidad Tayod Ministeryo​—Iparaan so Householder Parad Ipawil Mo

No Akin ya Importante: No walay akatongtong tayon interesado, labay tayon pawilen no kapigan a sikatoy walad abung pian nasalog tayoy bini na katuaan ya intanem tayo. (1 Cor. 3:6) Antis tayon onalis, niparaan tayoy householder no tepetan tayo no kapigan tayo nayarin pawilen. Sakey ni, maabig no mangitilak tayoy tepet ya pantongtongan diad ipawil tayo. Diad ontan et talaranan na householder so ipawil tayo, tan no say ebat et walad publikasyon ya intilak tayo, seguradon basaen to itan. No iparaan tayoy householder parad onsublay ya pantongtong, mas mainomay met so ompawil ta wala lay apilin topic ya pantongtongan, tan amta la na householder no antoy ilaloan to. No nakatongtong tayo lamet, nayarin ibaga tayon pinmawil tayo pian ebatan so intilak tayon tepet, insan ti la ituloy so tongtongan.