Paaligwasen Iray Abilidad Tayod Ministeryo—Ipanengneng so Personal ya Interes
No Akin ya Importante: Inimano nen Jesus iray totoo bilang indibidual, tan maar-aro ton impanengneng so personal ya interes ed sikara. Singa bilang, aminsan et nayarin alikas nen Jesus ya mannerbiyos so sakey ya lakin telek, kanian nen tinambal to, inyarawi tod dakel a totoo. (Mar. 7:31-35) Makonsidera met ed limitasyon na saray disipulo to tan agto ra binuntonan na agaylay karakel ya impormasyon. (Juan 16:12) Anggano nen wala lad tawen, impanengneng nen Jesus so personal ya interes. (2 Tim. 4:17) Bilang papatumbok nen Kristo, labay tayon aligen so alimbawa to. (1 Ped. 2:21; 1 Juan 3:16, 18) Sakey ni, mas epektibo itayod ministeryo no makonsidera tayod pupulongan tayo tan imanoey situasyon, interes, tan pampapagaan to. Mas ondengel no nalikas ton agti labat pupulongan odino iikday literatura, noagta interesado tayod sikato.
Gawaen Iya ed Sayan Bulan:
Manpraktis ed panagdayew na pamilya yo, odino diad ministeryo, legan a manaakar paonlad onsublay ya abung sano kaukolan ya i-adjust na publisher so presentasyon to pian ombagay ed komento na pupulongan.
Diad saray pantitipon parad lawak na serbisyo, sarag na brother ya mangidadaulo ya ipaliwawa o paidemostra no panon a nipanengneng so personal ya interes.