“Agko Nababanaan ed Abung Da!”

Kasin asalim lan imbaga itan? Anggano aminpigam lan pinawil so sakey ya interesado, agmo nababanaan kanian agmo nasasalog so bukel na katuaan ya intanem mo. (1 Cor. 3:6) No maminsan, susulatan na saray eksperiensyadon publisher iray agda nababanaan ed abung, odino mangititilak iray antikey ya sulat diad puerta. Paparaanan la na arum a publisher so ontan ya situasyon kanian aalaen day cellphone number na katongtong da, nayarin diad pangibagay, “Nayari ta kan i-text?” Nayarin ireport ya RV no pinawil o pinulongan tayoy interesado panamegley na sulat, e-mail, text, o tawag. Anggano agtayo nababanaan ed abung, posiblin naarumay interes tod katuaan.