Paaligwasen Iray Abilidad Tayod Ministeryo—Pampulong Panamegley na Telepono

NO AKIN YA IMPORTANTE: Say panagpulong panamegley na telepono et importantin paraan pian ‘sigpot ya nipulong so maong a balita.’ (Gaw 20:24)a Ontutulong itan ed sikatayon makapanpulong no agtayo makaonla ed kaabungan na saray totoo lapud ag-iyabuloy na kipapasen.

NO ANTOY GAWAEN:

• 

  Manparaan. Manpili na matukoy ya topic. Insan manggawa na outline no antoy ibagam. Nayari ka met ya mangiparaan na antikey ya mensahe no akin ya tinmawag ka pian antam so ibagam no bilang ta answering machine so onebat. Makatulong met no wala lad lamisaan mo so outline tan arum ni ran kaukolan mo, singa say gadyet mo ya akalukas ed JW Library^® odino jw.org^®

• 

  Agka nanenerbyos. Mansalitan natural. Onimis tan man-andawes ka ya singa walad arapan mo labat imay katongtong mo. Agpatunda-tundan mansalita. Marakep no walay kaibam ya manpulong. No mantepet so katongtong mo, maksil mon uliten so tepet pian anapen na ka-partner mo so ebat

• 

  Manggawa na paraan pian makapan-RV. No alikas mon interesado so katongtong mo, sarag moy mantepet insan ebatan mod onsublay ya itawag mo. Sarag mo met ya ibagad sikato ya ipawitan moy literatura panamegley na e-mail, personal ya pangideliver, odino arum nin paraan. Odino no onabuloy, nayarim met ya i-text odino isend ed e-mail to so sakey ya video odino artikulo. No matukoy, sarag mon ibagad katongtong mo so nipaakar ed Online Bible Study Lessons odino arum nin walad website tayo