Balon Uusaren ed Panag-research

Mausa-usar ed panag-research na minilyon a publisher ed interon mundo so Watch Tower Publications Index. Balet, masyadon detalyado tan pigpigaran lenguahe labat so walaay Index. Lapud satan, im-publish so Giya ed Pan-research na Saray Tasi nen Jehova diad manga 170 a lenguahe. Saray reperensyan akakargad Giya ed Pan-research et manlapud taon 2000 anggad natan. Say Giya ed Pan-research et agni imprinta ed saray lenguahen wala lay Index da, balet impila itan diad electronic format ed Watchtower Library tan Watchtower​—ONLINE LIBRARY. Makatulong so Giya ed Pan-research pian naromog iray ebat ed saray tepet ed Biblia, saray impormasyon tungkol ed personal a tepet, tan makapanparaan parad saray aral ed kongregasyon odino panagdayew na pamilya.