Tips ed Pam-personal Study

Kasin nauusar mo iray reperensya ed Giya ed Pan-research na Saray Tasi nen Jehova ya aka-link ed saray bersikulo na Biblia?

Makatulong irayan reperensya pian mas natalosan mo so Salita na Dios. Nabasam ditan iray impormasyon tungkol ed sakey ya bersikulo—no anto ray agawgawa nen insulat itan, akin et insulat itan, parad siopa itan, tan no antoy labay ya ibaga na espisipiko iran salita ya abitla ditan.

Diad Watchtower ONLINE YA LIBRARYA tan JW Library^®, na-access mo iray reperensya ed Giya ed Pan-research ya aka-link ed saray bersikulo na Biblia. Nanengneng mo irayan reperensya diad study pane na anggan anton version na Biblia ya available ditan.

Tandaan ya walad unaan iray sankabaloan ya artikulo. Walad bandad leksab iray datdaan lan artikulo kanian ompan say nabasa ditan et saray dati nin pakatalos tayo.

• Diad Watchtower ONLINE YA LIBRARYA, saray reperensya ed Giya ed Pan-research et automatic lan aka-link ed saray bersikulo na Biblia.

• Pian nanengneng mo irayan reperensya diad JW Library, i-download mo so Giya ed Pan-research. No bilang ta walay update, na-download mo itan no pindoten mo imay “Download” ya walad tagey na study pane na anggan anton kapitulo na Biblia.