Akin ya Onalis Lan Tampol?

Diad pantitipon parad lawak na kimeyan et kaiba tayo ray agagi tayo, tan labalabay tayoy miistoryaan ed sikara. Balet kayari pantitipon, nepeg ya onalis ti lan tampol paonlad teritorya. Akin? Lapud apuraan so panagpulong a kimey tayo. (2 Tim. 4:2) No mabaybayag tayon onalis, mas daiset lay panaon tayon manpulong. Dakel met ni pankanawnawa tayon panliketan so makapaseseg ya pililimog ed agagi legan tayon mankikimey ed ministeryo a kaiba ira. No onalis ti lan tampol, ipapanengneng tayon makuli tayo diad pampapaaripen tayod si Jehova tan ed Anak to.​—Roma 12:11.