Paaligwasen Iray Abilidad Tayod Ministeryo—Pampulong Diad Intercom

No Akin ya Importante: Nayarin singa makapataktakot so manpulong diad intercom. Antoy gawaen tayo pian ag-itan mangekal ed seseg tayod maabig iran gawa? Tandaan tayon ompan aya labat lay paraan pian nipasabi so maong a balita ed arum. (Roma 10:14) Wala ray eksperiensyan mangipapanengneng ya epektibo iyan paraan na panagpulong. (Nengnengen so 2011 Yearbook, p. 65-66, tan 2000 Yearbook, p. 54, par. 3.) Imanoen irayan suhestion.

No Panon Iyan Nagawaan:

Mangiparaan na antikey ya presentasyon, isulat mo tan sarag mo itan ya basaen no manpupulong kad intercom. Ontulong itan pian mas makpel kan mitongtong. Ibagam ya tampol so gagalam. Usar moy ngaran na unabung no akasulat ed directory. Sampotan diad pangibagan labay moy mangiter (o mangitilak ed puerta) na tract o magasin parad kaaruman ya impormasyon.
Magmaliw ya positibo. Imis ka tan mitongtong kan singa kaarap mo may too.
Gawaen ya relaks tan natural so pitotongtong. Mansalitan malinew tan diad dugan kakasil. Agpatunda-tundan mansalita, balet agmet mapmaples.
Usaren so pakatebek. Diad saray angkabaleg ya bilding, nayarin dakel so intercom. Manpili na anggan talora labat, tan tandaan no iner ya intercom so anampotan, insan la onla. Ompan mansuspetsa iray manaayam no mabaybayag tayo tan no itelpek tayon amin so intercom.

Gawaen Iya Legan na Sayan Bulan:

Ipasal iyad panagdayew na pamilya yo, ya agmanarapan so duaran mantotongtong.