Paaligwasen Iray Abilidad Tayod Ministeryo​—Pampulong ed Intercom Odino ed Toon Ag-ompaway Balet Mitongtong

NO AKIN YA IMPORTANTE: Lapud onaaligwas so teknolohiya tan ondarakel so krimen, ondarakel met natan so mangikakarga na CCTV tan intercom ed abung da. Ompan natatakot tayon manpulong ed toon nanenengneng to tayo, balet agtayo nanengneng. Wala ray makatulong pian makapanpulong tayo nin siansia ed intercom odino ed toon ag-ompaway balet mitotongtong.

NO ANTOY GAWAEN:

• Agmo iisipen ya ag-ira ondengel. Dakel ed saray walay intercom tan anggan saray totoon agda labay so personal ya onarap et labay day mitongtong

• Wala ray intercom ya irerekord toy amin ya nagagawa, anggan agmo pindoten. Ompan onaasingger ka ni labat et nanenengneng tan narerengel da ka la

• No mansalita so akan-abung panamegley na intercom, onarap ed camera ya singa ka personal ya mitotongtong ed sikato. Onimis tan magmaliw a makaaro. Ontan met so gawaen no inmasingger so too ed puerta tan mitongtong, balet agto lukasan. No walay camera, agmo kapatutok so lupam. No anggapoy inmebat, agla mansasalita

• Kayari na impitongtong ed unabung, tandaan ya nayarin oobserbaan tan dedengelen to ka nin siansia