Kasin Manpaparaan Ka Parad Memoryal?
Nisan 13 ed saman, diad taon 33 C.E. Amta nen Jesus ya sampot lan labi ya nakaiba to ray apostol to antis ya pateyen na kakabusol to. Selebraan toy sampot ya Paskua ya kaiba iray apostol to, insan to igapo so balon selebraan da, say Pangdem na Katawan. Say ontan ya importantin okasyon et kaukolan ya iparaan. Kanian, imbaki toy Pedro tan Juan ya iprepara iray nakaukolan. (Luc. 22: 7-13) Manlapu lad saman, kada taon et kaukolan ya manparaan iray Kristiano parad Memoryal. (Luc. 22:19) Anto ray kaukolan tayon gawaen pian akaparaan tayod Memoryal no Abril 3?
Pamparaan na Saray Manangipalapag:
Iplano ya suportaan a maong so kampanya na pangimbitad Memoryal.
Ilista iray iyaaralan, kakanayon, kaeskuela, katrabaho, tan arum nin kabat mo, insan mo ra imbitaan.
Basaen tan dalepdepen so babasaen ed Biblia parad Memoryal.
Onsabin akaparaan ya mangabrasad saray bisita.