Paaligwasen Iray Abilidad Tayod Ministeryo​—Pampulong ed Toon Sananey so Lenguahe To

No Akin ya Importante: Interesado si Jehova ed espiritualidad na totoo “diad balang nasyon.” (Gawa 10:34, 35) Kanian imbaga nen Jesus ya say maong a balita et nipulong “ed interon dalin” tan “ed amin a nasyones.” (Mat. 24:14) Impropesiya nen Zacarias ya onkiwas iray totoon “manlapu ed saray amin a pansasalita na saray nasyon.” (Zac. 8:23) Diad samay pasingawey ya anengneng nen apostol Juan, saray makaliktar ed baleg a kairapan et totoon ‘manlapud amin a nasyon tan tribu tan rasa tan lenguahe.’ (Apo. 7:9, 13, 14) Kanian no wala ray walad teritorya tayo ya sananey so lenguahe ra, manggawa tayoy paraan pian napulongan ira.