Inorganisa Pian Pulongan so Amin

Nensaman, inorganisa nen Jehova iray Israelita. Ontan met natan, oorganisaen to iray totoo to pian gawaen day linawa to. Diad interon mundo, gagawaen na saray branch office, sirkito, kongregasyon, tan grupo parad lawak na serbisyo so betang da pian nipulong so maong a balita. Pupulongan tayo so amin, pati saramay mansasalita na sananey ya lenguahe.​—Apo 14:6, 7.

Kasin labay moy manaral na sananey ya lenguahe pian tulongay arum ya naamtaan day katuaan? No anggapoy panaon mon manaral na sananey ya lenguahe, sarag mon usaren so JW Language app pian makaaral na simplin presentasyon. Tan no asalim la itan ya inusar ed ministeryo, ompan naliknam met may alikna na saray Kristiano nen inmunan siglo. Malikeliket ira nen nikelawan iramay dayo ya akadngel ed “makapadinayew iran gawa na Dios” diad sarili dan lenguahe.​—Gaw 2:7-11.

BANTAYAN SO VIDEO YA MAGMALIW YA KAARO NEN JEHOVA—MANPULONG ED ARUM YA LENGUAHE, INSAN EBATAN IRAYA:

• 

  Kapigan mo usaren so JW Language app?

• 

  Anto ray feature na sayan app?

• 

  Anto ray lenguahe na totoo diad teritorya yo?

• Antoy gawaen mo no walay interesado ed mensahe na Panarian ya sananey so lenguahe to?​—od 100-101 ¶39-41