Paaligwasen Iray Abilidad Tayod Ministeryo​—Pulongan so Amin Diad Teritorya Tayo

NO AKIN YA IMPORTANTE: Impropesiya nen Zacarias ya saray totoo a nanlapud amin a lenguahe na saray nasyon et ondengel ed maong a balita. (Zac 8:23) Pero siopay manbangat ed sikara? (Rom 10:13-15) Pribilehyo tan responsabilidad tayon ipulong so maong a balita diad amin a totoo ed teritorya tayo.​—od 84 ¶10-11.

NO PANON IYAN NAGAWAAN:

• Manparaan. Kasin wala ray totoo ed teritorya yo ya sananey so lenguahe ra? Sarag mon usaren so JW Language app pian makaaral ka na simplin presentasyon. Odino usar moy gadyet mo pian ipanengneng ed sikara no panon dan naamtaan iray kaaruman ya impormasyon ed lenguahe ra diad jw.org

• Man-obserba. No manpupulong kad kaabungan, agmo papalampasen iray pankanawnawan makapanpulong ed saray ondadalan odino saramay manaalagar diad luganan. No mibibiang kad public witnessing, tandaan ya say gagalam et pian makapanpulong

• Mankuli. Gawam so anggaay nayarian mon pulongan iramay agmo asabi ed abung da diad unaan ya imbisitam. Pansagpotan mo ya walan walay nakontak mod kada abung, nayarin diad ipawil mod nanduruman oras o agew. Ompan wala ray unabung ya nakontak mo panamegley na sulat, telepono, odino street witnessing

• Man-follow up. Ompawil ya tampol pian i-follow up so interes. No sananey so lenguahe na akatongtong mo, mananap kay kualipikadon agi ya makaamtad lenguahe to ya ontulong ed sikato. Itultuloy mon pawilen anggad nakontak na saray publisher ya mansasalitay lenguahe to.​—od 94 ¶39-40

BANTAYAN SO VIDEO YA PAMPULONG ED “SANKAARAWIAN A PASEN NA DALIN,” INSAN EBATAN IRAYAN TEPET:

• 

  Panon ya namparaan iray agagi pian nakontak da ray totoo ed ararawin teritorya? (1Co 9:22, 23)

• 

  Anto ran subok so inarap da?

• 

  Anto ray panliliketan dan bendisyon?

• Anto ray sarag mon gawaen pian mas dakel ya totoo so nakontak mo ed teritorya yo?