Balon Nausar Pian Nigapo so Tongtongan

Manlapu la nen Enero 2016, nanengneng ed beneg a pahina na publikon edisyon na Say Panag-bantayan so balon artikulo ya “Antoy Ibabaga na Biblia?” Denesinyo iya pian natulongan itayon nigapoy tongtongan ed saray topic ed Biblia. Mipara iya ed format na saray tract tayo. Walay makapainteres ya tepet tan tumbokan na ebat ya base ed Biblia, tan kaaruman ya punton napantongtongan.

Maslak ya saray balibalin tongtongan nipaakar ed Biblia et manresultad panangiyaral na Biblia. Usaren iyan balon artikulo pian natulongan tayoy mas dakel nin totoo ya naeerasan ed espiritual.​—Mat 5:6.

NO PANON IYAN USAREN:

1. Tepetan so unabung no antoy opinyon to ed sakey ed saray tepet

2. Dengelen tan pisalamatan so ebat to

3. Basaen so teksto ya walad “No Antoy Ibabaga na Biblia,” tan tepeten no antoy nibaga to ed satan. No wala ni panaon to, ituloy so tongtongan, ya usaren so punton walad “Anto ni Naaralan Tayod Biblia?”

4. Iyopresi so magasin

5. Iyeskedyul so ipawil pian pantongtongan so ontumbok ya tepet