“Nanengneng Mo Natan No Antoy Gawaen Ko ed Faraon”

6:1, 6, 7; 7:4, 5

Antis ya indapo nen Jehova iray salot ed Ehipto tan inliktar iray Israelitan inaripen ditan, imbaga tod saray Israelita no antoy gawaen to. Ipanengneng nen Jehova ed sikara so pakapanyari to diad paraan ya agda nin balot anengneng, tan seguradon naamtaan na saray Ehipsio no siopa si Jehova. Nen tinmua iray imbaga nen Jehova, binmiskeg so pananisia na saray Israelita, tan akatulong itan pian ag-ira naimpluensyaan na palson panagdayew na Ehipto.

Panon ya napabiskeg na sayan salaysay ed Biblia so pananisiam ya seguradon ontua iray insipan na Dios ya nagawad arapen?