Pablim so Relasyon Mod si Jehova

Nikadkaduma so pribilehyo tayo ran Tasi nen Jehova. Lapud indedika tayoy bilay tayod si Jehova tan nampabautismo tayo, labay tayon napaelet so pikakaaro tayod sikato. Inyasingger to tayo ed sikato panamegley nen Jesus. (Jn 6:44) Dedengelen to ray pikakasi tayo.​—Sal 34:15.

Kanian panon tayon naalwaran so relasyon tayod Dios? Say sakey et no paliisan tayo iramay aliwliwan ginawa na saray Israelita. Kayari ran akisipanan ed si Jehova, nanggawa ray balitok ya baka tan dinayew da. (Ex 32:7, 8; 1Co 10:7, 11, 14) Kanian isip mo iraya: ‘No walay tukso, antoy gagawaen ko? Kasin nanengneng ed saray desisyon ko ya importantid siak so relasyon kod si Jehova?’ No inar-aro tayoy Aman Jehova, agtayo gawaen iray kabusol to.​—Sal 97:10.

BANTAYAN SO VIDEO YA PROTEKTAAN SO RELASYON MOD SI JEHOVA (COL 3:5), INSAN EBATAN IRAYA:

• Anto so inkaagum?

• Akin et paliisan tayoy inkaagum tan idolatriya?

• Antoy pamparehoan na pikakalugoran tan idolatriya?

• Akin et nepeg ya seguroen na saray walaan na pribilehyo ed kongregasyon ya agda napapaulyanan so asawa ra?