Kokkinakis v. Greece: Droit réservé
Manlapud kawigi ed tagey ya ontelek: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
BILAY NA KRISTIANO
‘Pangidepensa tan Pangala na Legal a Kanepegan’ ed Pangipulong na Maong a Balita
Nen sinali na saray onkokontra ya patundaen iray Israelita diad pangipapaalagey da lamet ed templo, ginawa na saray manpapaalagey no antoy kaukolan pian napruebaan dan walay legal ya kanepegan dan gawaen itan. (Esd 5:11-16) Ontan met iray Kristiano natan, gagawaen da met no antoy kaukolan pian nidepensa day maong a balita tan makaala ira na legal ya kanepegan ya ipulong itan. (Fil 1:7) Pian nagawaan da itan, binuo so Legal Department diad world headquarters nen 1936. Natan, oorganisaen na World Headquarters Legal Department so pangidepensa ed kimey na Panarian diad interon mundo. Panon ya akatulong iyan department ed kimey na Panarian tan agunggonaan iray totoo na Dios?
BANTAYAN SO VIDEO YA PAN-TOUR ED LEGAL DEPARTMENT DIAD WORLD HEADQUARTERS, INSAN EBATAN IRAYAN TEPET:
Anto ran problema ed legal so naeeksperiensya na saray Tasi nen Jehova?
Anto la ran legal ya kaso so nipanalo tayo? Mangiter na alimbawa
Antoy sarag ya gawaen na kada sakey ed sikatayo pian nidepensa tayoy maong a balita tan makaala tayoy legal ya kanepegan ya nipulong itan?
Iner tayo naromog ed website tayo iray legal iran isyu ya aarapen na totoo na Dios tan say listaan na saray Tasi nen Jehova ya akapriso lapud pananisia ra?