Inaro Ka na Dios
Say Biblia so sankarakepan ya napangalaan na advice ta nanlapu itan ed Dios. Aliwa itan ya manual ed medisina, pero makatulong pian nasarag tayoy stress, pabagobagon panagnonot, ermen, makapadismayan ikakapuy na laman, tan makapakesaw ya problemad isip.
Say sankaimportantian ed amin, ipapaseguro na Biblia ya say Nanggawa ed sikatayo, si Jehova ya Dios,a et mas natatalosan toy iisipen tan nalilikna tayo nen say anggan siopa. Labalabay to tayon tulongan ed saray problema tayo. Singa bilang, niay duaran makapabiskeg ya nabasa ed Biblia:
“Si Jehova et asingger ed samay asugatay puso to; ililiktar to iramay nagogonigon so espiritu ra.”—SALMO 34:18.
“Siak, si Jehova a Dios mo, so mamemben ed kawanan a limam, say mangibabaga ed sika na, ‘Agka ontatakot. Tulongan ta ka.’”—ISAIAS 41:13.
Pero, panon itayon tulongan nen Jehova pian nasarag tayoy problema ed isip? Diad onsublay iran artikulo, nanengneng tayo ya talagan inar-aro itayo nen Jehova tan dakdakel so tulong ya iiter to.
a Jehova so ngaran na Dios.—Salmo 83:18.